Excellente nova: le parlamento europee ha refusate le texto del commission europee re le brevetos de software. Nos potera ergo continuar usar programmas de fonte libere como Mozilla o OpenOffice.org.

Pro plus de information, vide http://www.rfi.fr/actufr/articles/067/article_37342.asp (in francese).

• le tres nanos del foreste


• le septe corvos


• le Belle dormiente in le bosco


• Blancanive


• le sex cygnos (finite iste matino).

• le dece-duo fratres


• le puera sin manos


• le ave de auro


• le duo fratres


• le guardatrice de ocas.

• pagina de ligamines
  
• cambiar le imagines del sito ==> OK
  
• Articulo: Litteratura in le web ==> OK
  
  
  
  • interlingua.com
    
  • sito de Ensjo
    
  • sito de Piet Cleij
    
  • sito de Harleigh Kyson
    
  • Megatokyo
    
  • sito del e-libros
    
  • wikibooks e wikisource
    
  • projecto Gutenberg
    
  • alteres (inter le quales sitos de associationes pro ia)
  
  
• Poner chmods al repertorios? (responsa del administrator) ==> OK
  
• referentiar le sito
  
• informar interlng ==> OK
  
• altere cosas que io oblida...

Io ha facite le tests: toto functiona benissimo. Io va poter travaliar super le contento del sito, lo que es le plus importante...

Io ha mittite in linea poemas que io habeva scribite quando io era juvene e inamorate; illos va esser disponibile in formato PDF in le section telecargamentos quando le file essera preste.

Post isto, io continuara le traductiones del contos de Grimm que io habeva comenciate ante discoperir Guppy.

Io scribeva le editorial:

Benvenite in mi nove sito! Io crede que io ha trovate le bon utensile pro le pigres qui vole embarrassar se ni con un sito in HTML, ni con le programmation in PHP, ni con le gestion de un base de datos MySQL. Io incoragia omnes a visitar le sito de iste programma libere, freeguppy.org.

A condition que vostre albergator internet vos propone le PHP, GuppY provide un portal web con le possibilitate de scriber e organisar articulos, novas compatibile con le RSS, un foro, gerer imagines, telecargamentos, etc. Post que illo es un programma libere, multe plugins es disponibile.

Iste sito se comparti in duo partes: in le prime vos trovara textos re interlingua (re le grammatica, actiones in favor de nostre lingua...), in le secunde mi proprie travalios, traductiones, etc. Vos trovara etiam le textos in formato PDF in le section Telecargamentos. Presentemente, il ha pauc textos, sed io mittera progressivemente nove textos in linea. Ergo visita mi sito sovente!

Como sole dicer un amica mie: supermAAgnific! Le sito ha cambiate de domicilio, e toto functiona ben (post alicun probas), mesmo le adresse mail del webmaestro (io ). Multe gratias a Roman, le administrator: tu ha facite un multo bon labor!

Io debe nunc facer essayos in le sito, specialmente re le function PHP_mail() que es active in le servitor; ergo io debe haber le possibilitate de reciper un mail quando alicuno, per exemplo, lassa un message in le libro del visitatores. E meliorar le apparentia graphic del sito.

Bon nova, mesmo excellente: io va poter mover mi sito apud Killix. Multe gratias a Roman, le administrator. Ante cambiar de adresse, io va studiar le characteristicas del servitor web, e adaptar a illos les de mi sito (per exemplo, un file .htaccess).

Un altere puncto al qual io debera travaliar es le adresse web. Io va examinar le problema pro determinar le optime solution. Illo cambiara!

Io crede que io va apprender multissime cosas... sin esser ulle technico, io ama comprender como le cosas functiona. Io previde mover le sito le proxime septimana. Per fortuna, io es in vacantias.

Io gaudeva heri de mi titulo, sed quando io creava mi conto apud iFrance, io usava mi prenomine como login... ergo mi titulo attendera, proque io non pote cambiar le login. E io non va crear un altere conto con le bon login, io va attender trovar un albergator sin reclamos.

A proposito, io vole presentar mi excusas pro le reclamos que invade le schermo su IE: ultra le bandiera in alto (le sol cosa que appare in Mozilla), il ha popups, e a vices imagines que veni ante le texto e lo cela... si isto occurre, preme F5. Io non es plus secur que esseva un bon idea seliger ille albergator! Sed errar es human...

...Bon. Pro corriger mi error, io me ha inscribite apud un albergator libere, Killix. Ora, io debe solo attender le responda del administrator.

Finalmente, io ha decidite installar mi sito apud un albergator gratuite con reclamos. Illo era le solution le plus rapide e le plus simple. Illo es etiam, io spera, un solution provisori. Si il ha satis de visitas, e si io face evolver le sito regularmente pro mantener su interesse, tunc io cercara un altere albergator.

Con le spatio web, io ha un adresse e-mail que evitara a mi altere adresses esser invadite per le spam. Isto esseva un argumento in seliger iste albergator.

Infortunatemente, il ha multe popups e altere medios de reclamo. Vale melio visitar le sito con Mozilla o Firefox que con IE. E infortunatemente (pro me), le utensiles de GuppY functiona melio con IE que con Mozilla, que io sole usar.

Ora, io debe finir le configuration technic del sito. Trovar altere imagines pro illustrar lo. Facer alicun tests. Facer cognoscer le adresse. Dormir.

Il pote parer estranie comenciar un blog ante publicar le sito integre in le interrete, sed post toto, proque non? Tote lo que precede le possibilitate a omnes de vider lo es parte de illo. Io pote ya narrar iste historia.

A iste hora, le ossatura del sito es preste: io ha jam scribite le editorial, importate le textos de mi vetule sito in HTML, configurate le novas de maniera que solo io pote scriber in iste blog, inter alicun altere parve cosas... Le problema major que io incontra es trovar un albergator adequate. Illo debe fornir PHP, e esser gratuite, preferibilemente sin reclamos. Io cerca sin trovar usque ora. Le unes non propone PHP in lor servicio gratuite, alteres que lo propone non me satisface (p.ex. nimis lente), alteres ha reclamos...

In fin, certe albergatores exige que le possessores del sitos sia membros active de lor foros! Pro me, isto es le historia del serpente que morde su proprie cauda: le objecto de tal sitos es sovente como crear e gerer sitos. Illo es interessante a condition que illo es un adjuta a exponer un contento; sed si le contento concerne le continente, il me pare que il ha un confusion inter le medio e le scopo.

Io time que iste confusion menacia etiam le movimento pro interlingua: io  ha le impression, forsan false, que le effortios pro disveloppar interlingua se concentra super dictionarios, grammaticas, e diverse utensiles pro apprender le lingua. Certo, illo es utile e necesse, sed secundo me, illo non debe prender le major parte del energia de nostre parve communitate. Si le apprendentes de interlingua trova solo materia grammatical o theoric, io opina que illes non remanera inter nos: le placer de apprender un lingua es in usar lo. Io non ha multe placer in apprender le anglese; sed, quando io lege textos technic o litterari, io sape que mi effortios passate esseva justificate. Al contrario, apprender le anglese pro leger solo grammaticas que es copiate e adaptate de plus veteres esserea "nonsense". Assi de interlingua: illo ha pauchissime interesse si illo es limitate a isto. Si illo parla solo de ipse, nos debera cambiar su nomine in "metalingua".

Quando io ha discoperite e apprendite interlingua, io ha legite grammaticas e textos theoric re le lingua, sed io cercava etiam textos litterari, poemas, etc... Io ha trovate que mi placer esseva brevissime. Il es proque io opina que il es importantissime disveloppar nostre litteratura o, in altere parolas, nostre contento. Il es etiam proque io evita prender parte al discussiones re le lingua, sed me effortia de proponer nove traductiones liberemente disponibile in le rete, in le optime lingua possibile, pro prolongar le placer... In ultra, quanto plus on lege, tanto plus on apprende!

Nonobstante, un bon puncto pro me: io ha trovate un titulo pro mi sito. Io es depost semper multo mal in trovar titulos. Io non sape proque! Un titulo debe esser e breve, e original, e presentar le contento... Colliger tote ille qualitates es difficile! Titulo: Interlittera, pro Interlingua e Litteratura. Illo presenta ben mi scopo: disveloppar nostre lingua per disveloppar le litteratura in interlingua. De plus, illo pote servir como adresse web.